Բռնցքամարտիկները շարունակում են հաջող ելույթները Եվրոպայի առաջնությունում
10:46, 21 Ապրիլ 2018
ԵՐԵՎԱՆ, 21 ԱՊՐԻԼԻ, ԱՐՄԵՆՊՐԵՍ: Իտալիայում շարունակվող բռնցքամարտի Եվրոպայի երիտասարդական առաջնությունում Հայաստանը ներկայացնող 6 բռնցքամարտիկներ քառորդ եզրափակչում են եւ հաջորդ մենամարտը հաղթելու դեպքում կապահովեն առնվազն բրոնզե մեդալ:
«Արմենպրես»-ի հաղորդմամբ` 75 կգ քաշային կարգում Ռաֆայել Հովհաննիսյանն առաջին մենամարտում հաղթել է Թուրքիայի ներկայացուցչին, այնուհետեւ առավելության հասել ադրբեջանցի մրցակցի նկատմամբ: Կիսաեզրափակիչի ուղեգրի համար կպայքարեն նաեւ 49 կգ քաշային Սեյրան Եղիկյանը, 52 կգ քաշային Արթուր Բազեյանը, 56 կգ քաշային Ռաֆայել Հակոբյանը, 69 կգ քաշային Վախթանգ Հարությունյանը, 64 կգ քաշային Բենիկ Նիկողոսյանը:
Բաժանորդագրվեք մեր ալիքին Telegram-ում