ԱՄՆ-ում հայտարարել են «ուղղորդվող Էներգիայի» զենք ստեղծելու մասին
ԵՐԵՎԱՆ, 20 ԱՊՐԻԼԻ, ԱՐՄԵՆՊՐԵՍ: Պաշտպանության ոլորտում «ուղղորդվող Էներգիայի» տեխնոլոգիայի կիրառման մեջ առաջընթացը հասել Է բեկումնային կետին: Այս մասին, ինչպես հաղորդել Է ՌԻԱ Նովոստին, Space News պորտալին պատմել Է Lockheed Martin-ի Հեռանկարային տեխնոլոգիաների կենտրոնի ղեկավար Նելսոն Պեդրեյրոն, տեղեկացնում Է «Արմենպրես»-ը:
Նրա խոսքով՝ ընկերությունն արդեն ստեղծել Է լազերային զենքի նախատիպ, որը կարելի Է օգտագործել ռազմակայաններն անօդաչուներից պաշտպանելու համար: Պեդրեյրոն նաեւ նշել Է, որ անցյալ տարի Lockheed Martin-ը ցուցադրել Է ATHENA 30-կիլովատային համակարգի աշխատանքը Նյու Մեխիկոյում ԱՄՆ-ի բանակի ռազմակայանում: «Համակարգը թռիչքի ժամանակ խոցել Է օդային թիրախները՝ հասցնելով կառուցվածքային վնասվածքներ եւ առաջացնելով դրանց նկատմամբ վերահսկողության կորուստ:
Լազերները նաեւ մշակվում են Հակահրթիռային պաշտպանության գործակալության համար որպես հակահրթիռային սպառազինություն, որը վերթիռի ժամանակ խոցում Է հակառակորդի բալիստիկ հրթիռները»,- հավելել Է ինժեները:
Բաժանորդագրվեք մեր ալիքին Telegram-ում