Վահան Բիչախչյանը մասնակցել է «Ժիլինա»-ի անհաջող խաղին
12:25, 19 Ապրիլ 2018
ԵՐԵՎԱՆ, 19 ԱՊՐԻԼԻ, ԱՐՄԵՆՊՐԵՍ: Հայաստանի ֆուտբոլի երիտասարդական հավաքականի անդամ Վահան Բիչախչյանը մասնակցել է «Ժիլինա»-ի խաղին:
«Արմենպրես»-ի հաղորդմամբ` ֆուտբոլի Սլովակիայի գավաթի խաղարկության կիսաեզրափակիչում «Ժիլինա»-ն սեփական հարկի տակ մրցում էր «Ռուժեմբերոկ»-ի հետ: Հանդիպումն ավարտվել է զրոյական ոչ-ոքիով: Քանի որ թիմերի առաջին խաղում հաղթել էր «Ռուժեմբերոկ»-ը, «Ժիլինա»-ն դուրս մնաց հետագա պայքարից:
Հայաստանի ֆուտբոլի երիտասարդական թիմի ֆուտբոլիստ Վահան Բիչախչյանը թիմի մեկնարկային կազմում չէր, սակայն փոխարինման դուրս եկավ 65-րդ րոպեին:
Բաժանորդագրվեք մեր ալիքին Telegram-ում