Ժամանակը Երևանում՝ 11:07:36,   22 Հուլիս

Հրանուշ Հակոբյանն ընդունել է Թեհրանի Հայոց թեմի առաջնորդին


ԵՐԵՎԱՆ, 11 ԱՊՐԻԼԻ, ԱՐՄԵՆՊՐԵՍ: ՀՀ սփյուռքի նախարարի պաշտոնակատար Հրանուշ Հակոբյանն ապրիլի 11-ին ընդունեց Մեծի Տանն Կիլիկիո Կաթողիկոսության Թեհրանի Հայոց թեմի առաջնորդ Գերաշնորհ Տեր Սեպուհ արք. Սարգիսյանին: Այս մասին «Արմենպրես»-ին տեղեկացրին ՀՀ  արտակարգ իրավիճակների  նախարարության տեղեկատվության և հասարակայնության հետ կապերի վարչությունից:

Հանդիպմանը ներկա էր նաև իրանահայ հայրենադարձ Խաչիկ Խաչատուրյանը:

Ողջունելով Թեհրանի Հայոց թեմի առաջնորդին՝ Հրանուշ Հակոբյանը նշեց, որ մեծ երջանկություն է նորից հանդիպել Հայ Առաքելական եկեղեցու ամենակարկառուն ներկայացուցիչներից մեկի հետ: Հրանուշ Հակոբյանն ընդգծեց նաև, որ Իրանի հայ համայնքը կառչած է իր ինքնությանը, և հույս հայտնեց, որ իրանահայ մեր հայրենակիցներն առավել ակտիվորեն կմասնակցեն Սփյուռքի նախարարության 2018 թվականի ծրագրերին, մասնավորապես՝ «Իմ Հայաստան» փառատոնին, հուլիսի 6-8-ը կայանալիք Համահայկական երիտասարդական հավաքին, «Արի տուն» հայրենաճանաչության ծրագրին:

Շնորհակալություն հայտնելով ջերմ ընդունելության համար՝ Գերաշնորհ Տեր Սեպուհ արք. Սարգիսյանը նշեց, որ համայնքը պատրաստվում է Հայաստանի առաջին Հանրապետության հռչակաման և Մայիսյան հերոսամարտերի 100-ամյակների տոնակատարություններին: «Մի շարք միջոցառումներ ունենք, կկազմակերպվեն նաև  դասախոսություններ, հանդիպումներ: Երբ նայում ենք մեր պատմության ընթացքին, կրած դժվարություններին, անհնար է չնկատել, որ միայն աստվածային հրաշքով է պայմանավորված մեր գոյությունը, որ այսօր մենք կանք, կան ազատ, անկախ Հայաստանն ու Արցախը, կազմակերպված Սփյուռքը: Մեր միակ փրկությունը հզոր Հայրենիքն է»,-նշեց Թեհրանի Հայոց թեմի առաջնորդը:




Լրահոս

Բոլոր նորությունները    






Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ