Ապրիլին սպասվում են նորմայից բարձր տեղումներ
14:44, 23 Մարտ 2018
ԵՐԵՎԱՆ, 23 ՄԱՐՏԻ, ԱՐՄԵՆՊՐԵՍ: Հանրապետությունում մարտ ամսին գրանցված բարձր ջերմային ֆոնը կպահպանվի նաև ապրիլին: «Արմենպրես»-ի հաղորդմամբ, այս մասին ասաց
ՀՀ ԱԻՆ հիդրոմետ ծառայության օդերևութաբանության կենտրոնի պետ Գագիկ Սուրենյանը:
Նրա խոսքով` հովտային գոտիներում ցերեկը կգրանցվի 22-24 աստիճան ջերմություն, գիշերը` 7-10 աստիճան: Հանրապետության լեռնային գոտիներում ցերեկը կգրանցվի 15-20, գիշերը` 3-8 աստիճան ջերմություն: «Ապրիլին ամենատաք ջերմաստիճանը կգրանցվի Սյունիքում, որտեղ ցերեկը կլինի 25-27, գիշերը`10-15 աստիճան: Մայրաքաղաքում ցերեկային ժամերին կդիտվի 22-24, գիշերը` 10-12 աստիճան տաքություն»,-ասաց Գագիկ Սուրենյանը:
Օդերևութաբանության կենտրոնի պետը տեղեկացրեց, որ ապրիլին սպասվում են նորմայից բարձր տեղումներ:
Բաժանորդագրվեք մեր ալիքին Telegram-ում