Սարկոզիին մեղադրանքներ առաջադրվեցին, նա կգտնվի դատական վերահսկողության ներքո. Le Monde
ԵՐԵՎԱՆ, 22 ՄԱՐՏԻ, ԱՐՄԵՆՊՐԵՍ: Ֆրանսիայի նախկին նախագահ Նիկոլա Սարկոզիին մեղադրանքներ են առաջադրվել Լիբիայի կողմից 2007 թվականի նրա նախընտրական արշավի անօրինական ֆինանսավորման գործով: Մարտի 21-ին այս մասին հայտնել Է Le Monde թերթը, տեղեկացնում Է «Արմենպրես»-ը: Պետության նախկին ղեկավարը կգտնվի դատական վերահսկողության ներքո:
Մեղադրանքներն առաջադրվել են «Պասիվ կոռուպցիա (կաշառքների ստացում), «Նախընտրական արշավի անօրինական ֆինանսավորում», Լիբիայի «Պետական միջոցների անօրինական ստացում եւ տնօրինում» հոդվածներով: Կոռուպցիայի, ֆինանսական եւ հարկային իրավախախտումների դեմ պայքարի կենտրոնական վարչությունում հարցաքննությունից հետո, որը տեւել Է 26 ժամ, Սարկոզին մեկնել Է տուն՝ Փարիզի 16-րդ օկրուգ: Թե Սարկոզիի նկատմամբ դատական վերահսկողության հատկապես ինչ միջոցներ կկիրառվեն, չի ճշտվում: Ինչպես BFMTV հեռուստաալիքին հայտնել են իրավաբանական շրջանների աղբյուրներ, Սարկոզին ժխտում Է մեղքը առաջադրված մեղադրանքների առնչությամբ, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում