Հայտնի է Երեւանից Տվեր ուղեւորվող ավտոբուսի վթարի զոհի ինքնությունը
14:46, 20 Մարտ 2018
ԵՐԵՎԱՆ, 20 ՄԱՐՏԻ, ԱՐՄԵՆՊՐԵՍ: Երեւանից Տվեր ուղեւորված ավտոբուսի` Վորոնեժի շրջանում վթարի հետևանքով զոհի ինքնությունը հայտնի է: Ինչպես «Արմենպրես»-ին տեղեկացրին արտակարգ իրավիճակների նախարարությունից, նա ավտոբուսի ուղևոր՝ 1978 թ. ծնված Ա. Սուքիասյանն է: Վթարի հետեւանքով մահացել է նաեւ ռուական բեռնատարի վարորդը:
Պատահարի պահին ավտոբուսում եղել է 50 ուղեւոր` 2 վարորդն ու 48 ուղեւորները: Կա 9 տուժած, որոնցից երեքի վիճակը բժիշկները գնահատում են ծանր:
Հայկական ավտոբուսի 40 ուղեւորները տեղավորվել են Պավլովսկի շրջանի «Как дома» հյուրանոց:
Ավտոբուսը պատկանում էր կանոնավոր ուղեւորափոխադրում իրականացնող, մրցույթում հաղթած «Ման Տուր» ընկերությանը:
Բաժանորդագրվեք մեր ալիքին Telegram-ում