Օրական ութ կողոպուտ կատարած հրոսակախումբը ձերբակալվել Է
ԵՐԵՎԱՆ, 16 ՄԱՐՏԻ, ԱՐՄԵՆՊՐԵՍ: Ֆրանսիայում ձերբակալել են այն հրոսակախմբի անդամներին, որն ավելի քան 1,5 հազար կողոպուտ Է կատարել կես տարվա ընթացքում: Ինչպես տեղեկացնում Է «Արմենպրես»-ը, մարտի 16-ին այս մասին հաղորդվում Է Twitter-ում Ազգային ժանդարմերիայի Էջում:
Կարգի պահապանների տեղեկատվությամբ՝ խմբում եղել Է 20 մարդ, նրանց կալանքի տակ են վերցրել երկու գործողությունների ընթացքում: Հանցագործները գործել են երկրի հարավում՝ Պերպինյանի եւ Կաննի միջեւ եւ վեց ամսում կատարել են հազար հինգ հարյուրից ավելի կողոպուտ, այսինքն՝ միջին հաշվով օրական շուրջ ութ կողոպուտ: Ընդհանուր առմամբ չարագործներից առգրավել են ավելի քան 1100 ոսկերչական իր, լյուքս բրենդների 40 ձեռքի ժամացույց եւ 6,5 կիլոգրամ ոսկի: Նաեւ հրոսակախմբի անդամների մոտ հայտնաբերել են 37 հազար եվրո:
#Gard Une équipe de 20 individus, auteurs de plus de 1500 cambriolages entre #Perpignan et #Cannes au cours des 6 derniers mois, interpellée lors de 2 opérations → Au total, 1100 bijoux, 6,5 kilos d'or, 37 000€ et 40 montres de luxe ont été saisis pic.twitter.com/UJfnBbm4rY
— GendarmerieNationale (@Gendarmerie) 16 марта 2018 г.
Բաժանորդագրվեք մեր ալիքին Telegram-ում