ՌԴ-ն սպառնում է արգելել բրիտանական ԶԼՄ-ների գործունեությունը երկրում
21:51, 13 Մարտ 2018
ԵՐԵՎԱՆ, 13 ՄԱՐՏԻ, ԱՐՄԵՆՊՐԵՍ: Բրիտանական որևէ ԶԼՄ Ռուսաստանում չի աշխատի, եթե Լոնդոնը RT հեռուստաալիքի հեռարձակումը դադարեցնելու որոշում կայացնի: Ինչպես փոխանցում է «Արմենպրես»-ը, այդ մասին «Ռոսիա-1» հեռուստաընկերությանը տված հարցազրույցում հայտարարել է ՌԴ արտաքին գործերի նախարարության պաշտոնական ներկայացուցիչ Մարիա Զախարովան:
«Բրիտանական զանգվածային որևէ լրատվամիջոց մեր երկրում չի աշխատի, եթե նրանք փակել Russia Today-ը»,- ասել է Զախարովան:
Մեծ Բրիտանիան հայտարարել է, որ եթե հաստատվեն ռուսաստանցի նախկին հետախույզ Սերգեյ Սկրիպալի թունավորման հետ կապված կասկածները, ապա ռուսական հեռուստաընկերությունը կզրկվի հեռարձակման լիցենզիայից:
Բաժանորդագրվեք մեր ալիքին Telegram-ում