Ժամանակը Երևանում՝ 11:07:36,   19 Դեկտեմբեր

Կիրո Մանոյանը առաջիկայում արցախյան հարցում որեւէ տեղաշարժ չի կանխատեսում


ԵՐԵՎԱՆ, 19 ՓԵՏՐՎԱՐԻ, ԱՐՄԵՆՊՐԵՍ:  ՀՅԴ Հայ դատի և քաղաքական հարցերի գրասենյակի ղեկավար Կիրո Մանոյանը մինչեւ 2019 թվականի ավարտը Արցախի հարցում լուրջ տեղաշարժեր չի կանխատեսում: «Արմենպրես»-ի հաղորդմամբ՝ այս մասին նա ասաց  լրագրողների հետ զրույցում: Նա մտահոգիչ է համարում արցախյան հակամարտության կարգավորման հետ կապված զարգացումների բացակայությունը:

«Ադրբեջանը փորձում է պատրանք ստեղծել, որ դրական միտումներ են առկա, սակայն դրան հավատալու հիմքեր չկան: Մենք պետք է լսենք Ալիևի հրապարակային հայտարարությունները, որոնք չեն խոսում խնդրի կարգավորման պատրաստակամության մասին»,- ասաց դաշնակցական գործիչը:

Հարցին՝ արդյոք հնարավոր է՝ լայնածավալ ռազմական գործողություններ վերսկսվեն, Կիրո Մանոյանը պատասխանեց՝ մոտ ապագայում ապրիլյան պատերազմի կրկնություն չի կանխատեսում, սակայն ամեն դեպքում հայկական կողմը զգոնությունը չպետք է կորցնի:

Կիրո Մանոյանը չբացառեց նաեւ, որ միգուցե Ալիևը սկսի ավելի լուրջ մոտենալ բանակցություններին:

«Խաղաղ կարգավորում կարող է լինել, եթե միջազգային հանրությունից ութ պետություն ճանաչի Արցախի Հանրապետությունն այնքանով, որքանով Հայաստանն է ճանաչել: Դա կլինի Ադրբեջանի վրա լուրջ ճնշում: Խաղաղ կարգավորումն այլընտրանք չունի՝ դա կլինի Ադրբեջանի, թե աշխարհի կողմից ճանաչմամբ: Խաղաղ կարգավորումը չի նշանակում, որ պետք է տրվենք Ադրբեջանի կամքին, և երբ նա ցանկանա, խաղաղություն լինի, երբ չցանկանա, չլինի»,- եզրափակեց նա:

 

 




Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ