Փետրվարի 6-ին կհրավիրվի ԱԺ արտահերթ նիստ
11:05, 1 Փետրվար 2018
ԵՐԵՎԱՆ, 1 ՓԵՏՐՎԱՐԻ, ԱՐՄԵՆՊՐԵՍ: ՀՀ կառավարության առաջարկով Ազգային ժողովի փետրվարի 6-ի նիստերի ավարտից հետո կհրավիրվի խորհրդարանի արտահերթ նիստ: «Արմենպրես»-ի փոխանցմամբ, այդ մասին որոշումն ընդունվեց կառավարության փետրվարի 1-ի նիստում:
Արդարադատության նախարար Դավիթ Հարությունյանը նշեց, որ ԱԺ-ում բազմաթիվ օրենքների նախագծեր կան կուտակված, և կառավարման խորհրդարանական համակարգի անցումից ելնելով՝ պետք է օրենքներն ընդունվեն ժամանակին:
ԱԺ արտահերթ նիստի օրակարգում բազմաթիվ հարցեր են ընդգրկված, այդ թվում «Ներման մասին», «Հայաստանի Հանրապետության քրեական օրենսգրքում փոփոխություն կատարելու մասին», «Հայաստանի Հանրապետության քրեական դատավարության օրենսգրքում փոփոխություն կատարելու մասին» և այլ նախագծեր:
Բաժանորդագրվեք մեր ալիքին Telegram-ում