ԱՄՆ-ի նոր պատժամիջոցները կվերաբերեն ռուսական զենք գնողներին
ԵՐԵՎԱՆ, 30 ՀՈՒՆՎԱՐԻ, ԱՐՄԵՆՊՐԵՍ: ԱՄՆ-ի հակառուսական նոր պատժամիջոցները, եթե դրանք սահմանվեն, կարող են վերաբերել Ռուսաստանից դուրս գտնվող ընկերությունների: Այս մասին, ինչպես հայտնել Է Reuters-ը, հայտարարել Է Պետդեպարտամենտի պաշտոնական ներկայացուցիչ Հիզեր Նոյերթը: Նա ճշտել Է, որ հարվածի տակ կարող են հայտնվել այն ընկերությունները, որոնք համագործակցում են Ռուսաստանի պաշտպանական-արդյունաբերական համալիրի հետ:
Նոյերթի պնդմամբ՝ «Պատժամիջոցների միջոցով Ամերիկայի հակառակորդներին հակազդելու մասին» օրենքն արտասահմանյան կառավարություններին հարկադրել Է հրաժարվել Ռուսաստանից միլիարդավոր դոլարների ռազմական տեխնիկայի գնումից, ուստի անձնական պատժամիջոցների սահմանում կարող Է եւ չպահանջվել:
Ավելի ուշ Պետական դեպարտամենտում ՌԻԱ Նովոստի գործակալությանը պարզաբանել են, որ Վաշինգտոնը նախազգուշացրել Է Ռուսաստանի հետ առեւտրական գործառնություններ իրականացնող երկրների կառավարություններին եւ ընկերություններին հունվարի 29-ից իրենց դեմ ամերիկյան պատժամիջոցների սահմանման հնարավորության մասին: Արտաքին քաղաքական գերատեսչությունում հավելել են, որ դրա վերաբերյալ մանրամասնությունները բովանդակում Է գաղտնի զեկույցը, որը հանձնվել Է Կոնգրեսին:
Բաժանորդագրվեք մեր ալիքին Telegram-ում