Իտալիայի ոստիկանությունը ձերբակալել Է «Կամորա» մաֆիայի 45 անդամների
ԵՐԵՎԱՆ, 23 ՀՈՒՆՎԱՐԻ, ԱՐՄԵՆՊՐԵՍ: Իտալիայի ոստիկանությունը կատարել Է նեապոլյան «Կամորա» մաֆիայի 45 անդամների ձերբակալություններ: Ինչպես հունվարի 23-ին հայտնել Է ANSA գործակալությունը, խոսքը վերաբերում Է Մոչչայի կլանին, որը մի շարք քաղաքներ Է վերահսկում Կամպանիայի եւ Լացիոյի մարզերում, տեղեկացնում Է «Արմենպրես»-ը:
Կալանվորվածների թվում են կլանի պարագլուխ Լուիջի Մոչչան, ինչպես նաեւ մի քանի կանայք, որոնք մտնում են խմբավորման ղեկավարության մեջ:
Ձերբակալվածներին առաջադրվում են անօրինականորեն զենք պահելու, շորթումների, փողերի լվացման մեղադրանքներ: Բացի դրանից, հետաքննության ընթացքում քննիչներին հաջողվել Է բացահայտել արտաքին աշխարհի հետ մաֆիայի՝ բանտում գտնվող պարագլուխների հաղորդակցման ուղիները, ինչը նրանց թույլ Է տվել շարունակել կառավարել կլանը:
«Կամորան» համարվում Է բոլոր իտալական մաֆիաներից ամենադաժանը: Այն առանձնապես լայն համբավ ձեռք բերեց հրապարակախոս Ռոբերտո Սավիանոյի «Գոմոռա» սենսացիոն գրքից հետո, որտեղ հեղինակը պատմել Է, որ «կամորականները» վերահսկում են թափոնների, այդ թվում՝ թունավոր թափոնների օգտահանումը: Տարիներ շարունակ թափոնները թաղվում են գետնի տակ, ինչը վնաս Է հասցնում շրջակա միջավայրին, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում