Թռիչքից րոպեներ առաջ Լոնդոնի ոստիկանությունը ձերբակալել է ալկոհոլի ազդեցության տակ գտնված օդաչուին
14:46, 20 Հունվար 2018
ԵՐԵՎԱՆ, 20 ՀՈՒՆՎԱՐԻ, ԱՐՄԵՆՊՐԵՍ: Լոնդոնի ոստիկանությունը թռիչքից մի քանի րոպե առաջ ձերբակալել է «British Airways»-ի` ալկոհոլի ազդեցության տակ գտնված օդաչուին: Ինչպես տեղեակցնում է «Արմենպրես»-ը, այս մասին հաղորդում է «Daily Mail»-ը:
Օդանավը Լոնդոնի օդանավակայանից ուղևորվելու էր դեպի Մավրիկի կղզի: Ուղևորները ալկոհոլի հոտ առնելուց հետո ոստիկանություն են կանչել:
Օդանավի 300 ուղևորները պետք է թռչեին տեղական ժամանակով 20:20-ին, սակայն թռիչքը հետաձգվել է մինչև 22.56: Մոտ 11 ժամ թռիչքից հետո օդանավը բարեհաջող վայրէջք է կատարել Մավրիկի կղզում տեղական ժամանակով 14.07-ին:
Բաժանորդագրվեք մեր ալիքին Telegram-ում