Հայաստանի մի շարք ավտոճանապարհներին ձյուն է տեղում
18:04, 16 Հունվար 2018
ԵՐԵՎԱՆ, 16 ՀՈՒՆՎԱՐԻ, ԱՐՄԵՆՊՐԵՍ: ՀՀ տրանսպորտի, կապի և տեղեկատվական տեխնոլոգիաների նախարարությունը տեղեկացնում է, որ հունվարի 16-ին՝ 17:30-ի դրությամբ, Աբովյանի, Թալինի, Մարալիկի, Արթիկի, Աշոցքի, Ապարանի, Սպիտակի, Վանաձորի, Ստեփանավանի, Թումանյանի, Նոյեմբերյանի, Դիլիջանի և Ջերմուկի տարածաշրջանների ավտոճանապարհներին ձյուն է տեղում:
«Արմենպրես»-ի հաղորդմամբ՝ Գորիս-Սիսիան, Գորիս-Կապան ճանապարհահատվածներում և Վարդենյաց լեռնանցքում տեղ-տեղ մերկասառույց է: Ճանապարհաշինարարները ավտոճանապարհներին կատարում են աղ ու ավազով մշակման աշխատանքներ:
ՀՀ միջպետական և հանրապետական նշանակության բոլոր ավտոճանապարհները բաց են:
Բաժանորդագրվեք մեր ալիքին Telegram-ում