Ժամանակը Երևանում՝ 11:07:36,   18 Փետրվար

Ռումինիայի նախկին նախագահը Մոլդովայի հետ միավորման օրինագիծ կներկայացնի խորհրդարանին

Ռումինիայի նախկին նախագահը Մոլդովայի հետ միավորման օրինագիծ կներկայացնի խորհրդարանին

ԵՐԵՎԱՆ, 15 ՀՈՒՆՎԱՐԻ, ԱՐՄԵՆՊՐԵՍ: Ռումինիայի նախկին նախագահ Տրայան Բեսեսկուն Մոլդովայի հետ միավորման օրինագիծ Է ներկայացնելու երկրի խորհրդարանին: Այդ մասին, ինչպես տեղեկացնում Է «Արմենպրես»-ը, հունվարի 15-ին հայտնել Է Deschide մոլդովական ինտերնետ-պորտալը:

«Խորհրդարանական նստաշրջանի սկզբում ես կներկայացնեմ Մոլդովայի Հանրապետության հետ միավորման նախագիծը, որը հիմնված Է նաեւ ԱՄՆ-ի Սենատի թիվ 148 բանաձեւի վրա: Ընթացակարգը տեղ կունենար, եթե մոլդովացիները դա ցանկանային խորհրդարանի որոշմամբ»,-հրատարակությունը մեջբերում Է Բեսեսկուի հայտարարությունը: Ռումինիայի նախկին նախագահի խոսքով, ԱՄՆ-ի Սենատի նշված բանաձեւը նախատեսում Է, որ Մոլդովան Ռումինիայի հետ վերամիավորվելու իրավունք ունի 1975 թվականի Հելսինկյան եզրափակիչ ակտի դրույթներին համապատասխան:

Ընդ որում Բեսեկուն այն կարծիքին Է, որ միավորումը պետք Է տեղի ունենա երկու երկրների խորհրդարանների որոշմամբ: Քաղաքական գործիչը դա բացատրել Է նրանով, որ, ի տարբերություն Ռումինիայի, որտեղ երկու երկրների միաձուլման օգտին հանդես Է գալիս բնակչության մեծամասնությունը, Մոլդովայում, դատելով հարցումներից, քաղաքացիների մոտավորապես 80 տոկոսը բացասաբար Է վերաբերվում այդ գաղափարին, հաղորդել Է ՏԱՍՍ գործակալությունը:





https://zen.yandex.ru/id/5dee07a31e8e3f00ae3051c1
Tokyo 2020
youtube

Բոլոր նորությունները    


New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ