Թուրքիայի զինուժը ռմբակոծել է Աֆրինում քրդերի դիրքերը
17:44, 13 Հունվար 2018
ԵՐԵՎԱՆ, 13 ՀՈՒՆՎԱՐԻ, ԱՐՄԵՆՊՐԵՍ: Թուրքիայի զինված ուժերը Սիրիայի Աֆրին քաղաքում հարձակվել են Սիրիայի քրդական «Ժողովրդավարական միություն» կուսակցության (PYD) դիրքերի վրա:
Ինչպես հաղորդում է «Արմենպրես»-ը, այս մասին հայտնում է թուրքական «Հուրիեթ» պարբերականը:
Քրդական ուժերի դիրքերը ռմբակոծվել են հրանոթից և այլ զենքերից:
Ավելի վաղ Թուրքիայի նախագահ Ռեջեփ Թայիփ Էրդողանը հայտարարությամբ էր հանդես եկել՝ ասելով, որ թուրքական բանակը պատրաստվում է Սիրիայում նոր գործողություններ սկսել քրդական ուժերի՝ PYD/YPG-ի դեմ:
Բաժանորդագրվեք մեր ալիքին Telegram-ում