Կարասինը պատմել Է Ռուսաստանի եւ Վրաստանի հարաբերությունների վերականգնման մասին
ԵՐԵՎԱՆ, 28 ԴԵԿՏԵՄԲԵՐԻ, ԱՐՄԵՆՊՐԵՍ: ՌԴ արտաքին գործերի փոխնախարար Գրիգորի Կարասինը պատմել Է Ռուսաստանի եւ Վրաստանի հարաբերությունների վերականգնման եւ երկու երկրների միջեւ հումանիտար կապերի ամրապնդման մասին, տեղեկացնում Է «Արմենպրես»-ը՝ հղում անելով ՌԻԱ Նովոստիին:
Նրա խոսքով՝ երկրների միջեւ շփումների նորմալացման միտումը սկիզբ առավ մի քանի տարի առաջ, «երբ Միխեիլ Սահակաշվիլիի կուսակցությունը տանուլ տվեց խորհրդարանական ընտրությունները, եւ ձեւավորվեց երկրի նոր կառավարությունը»: Դրանից հետո ընդհանուր ջանքերով Մոսկվային եւ Թբիլիսիին տաջողվեց «նկատելի արդյունքների հասնել առեւտրի ու տրանսպորտի ոլորտներում, ամրապնդել հումանիտար կապերը»:
«Միայն 2017 թվականին երկկողմ ապրանքաշրջանառությունն աճել Է ավելի քան 30 տոկոսով: Ռուսաստանը դարձել Է Վրաստանի՝ կարեւորությամբ երկրորդ առեւտրական գործընկերը եւ նրա արտադրանքի, նախեւառաջ գինու իրացման գլխավոր շուկան»,-ասել Է Կարասինը «Իզվեստիա» թերթին:
Նա հավելել Է, որ այժմ նախապատրաստվում Է ռուս-վրացական սահմանի «Վերին Լարս» անցակետի վերակառուցումը, ինչը թույլ կտա դյուրացնել ցամաքային հաղորդակցությունը երկրների միջեւ:
Կարասինը հույս Է հայտնել, որ «գալիք տարում կհաջողվի զարգացնել այս դրական միտումները»: Նա նշել Է, որ Մոսկվան պատրաստ Է «համակողմանի պրակտիկ համագործակցության» եւ ակնկալում Է «վրացական կողմի համարժեք արձագանքը»:
Բաժանորդագրվեք մեր ալիքին Telegram-ում