Հայ շախմատիստները շարունակում են ելույթներն արագ շախմատի աշխարհի առաջնությունում
09:49, 28 Դեկտեմբեր 2017
ԵՐԵՎԱՆ, 28 ԴԵԿՏԵՄԲԵՐԻ, ԱՐՄԵՆՊՐԵՍ: Հայաստանի շախմատի հավաքականի անդամները և մի շարք այլ գրոսմայստերներ շարունակում են ելույթներն արագ շախմատի աշխարհի առաջնությունում:
«Արմենպրես»-ի հաղորդմամբ` Լևոն Արոնյանը տոնեց երկու հաղթանակ, երկու պարտիա ավարտեց ոչ-ոքի արդյունքով և մեկում տանուլ տվեց: 10 տուրից հետո Արոնյանն ունի 5,5 միավոր: Առաջատարը Ռուսաստանի ներկայացուցիչ Վլադիմիր Ֆեդոսեևն է, ով ունի 8 միավոր:
Հայաստանի մյուս ներկայացուցիչներից Տիգրան Պետրոսյանն ունի 6,5 միավոր, Գաբրիել Սարգսյանը, Հրանտ Մելքումյանը՝ 6-ական, Սերգեյ Մովսիսյանը` 5,5 և Զավեն Անդրիասյանը` 5 միավոր:
Դեկտեմբերի 28-ին կկայանան 10-15-րդ տուրերը:
Բաժանորդագրվեք մեր ալիքին Telegram-ում