Հայ շախմատիստները մեկնարկեցին արագ շախմատի աշխարհի առաջնությունում
09:55, 27 Դեկտեմբեր 2017
ԵՐԵՎԱՆ, 27 ԴԵԿՏԵՄԲԵՐԻ, ԱՐՄԵՆՊՐԵՍ: Հայաստանի շախմատի հավաքականի անդամները և մի շարք այլ գրոսմայստերներ մեկնարկեցին արագ շախմատի աշխարհի առաջնությունում:
«Արմենպրես»-ի հաղորդմամբ` առաջատար Լևոն Արոնյանը առաջին 5 տուրում տոնեց մեկ հաղթանակ, տարավ մեկ պարտություն և 3 պարտիա ավարտեց ոչ-ոքի: 5 հնարավորից Արոնյանն ունի 2,5 միավոր: Հայաստանի մյուս ներկայացուցիչներից 3,5 միավոր ունի Սերգեյ Մովսեսյանը, 3-ական միավոր ունեն Գաբրիել Սարգսյանը և Տիգրան Պետրոսյանը: 2,5-ական միավոր ունեն Զավեն Անդրիասյանը, Հրանտ Մելքումյանը:
Կանանց պայքարում 5 հնարավորից 3,5 միավոր ունի Էլինա Դանիելյանը, 2,5 միավոր ունի Լիլիթ Մկրտչյանը, իսկ 2-ական միավոր ունեն Մարիա Գևորգյանը և Լիլիթ Գալոյանը:
Դեկտեմբերի 27-ին կկայանան 6-10-րդ պարտիաները:
Բաժանորդագրվեք մեր ալիքին Telegram-ում