Երևանի քաղաքապետարանը հայատարարում է «Երևան 2800» տոնակատարության վիզուալ կոնցեպտի մրցույթ
19:08, 15 Դեկտեմբեր 2017
ԵՐԵՎԱՆ, 15 ԴԵԿՏԵՄԲԵՐԻ, ԱՐՄԵՆՊՐԵՍ: Երևանի քաղաքապետարանը, Երևան քաղաքի հիմնադրման 2800-ամյակին նվիրված միջոցառումներին ընդառաջ, հայտարարում է տոնակատարության վիզուալ կոնցեպտի մրցույթ:
Ինչպես «Արմենպրես»-ին տեղեկացրին Երևանի քաղաքապետարանից, վիզուալ կոնցեպտն պետք է ներառի՝
Լոգոտիպ, տառատեսակ (շրիֆտ), գունային ոճ, ֆիրմային այլ էլեմենտներ՝ կախված առաջարկվող կոնցեպտից: Ոճի կիրառությունը հարկավոր է ներկայացնել տարբեր կրիչների վրա:
Մրցույթի պայմանները.
- Մրցույթին կարող են մասնակցել շահագրգիռ բոլոր ոլորտային կազմակերպություններն ու անհատները:
- Առաջարկները կքննարկվեն համապատասխան հանձնաժողովի կողմից, և հավանության արժանացած տարբերակը կկիրառվի հոբելյանական տարվա միջոցառումների ընթացքում:
Լավագույն ճանաչված աշխատանքը ներկայացնող կազմակերպությունը (կամ անհատը) կարժանանա 2 միլիոն դրամ մրցանակի:
Հայտերն ընդունվում են ք.Երևան, 0015, Արգիշտիի 1 հասցեով, Երևանի քաղաքապետարան կամ logo2800@yerevan.am էլեկտրոնային հասցեով:
Հայտերի ընդունման վերջնաժամկետ՝ հունվարի 15:
Մրցույթին ներկայացված աշխատանքները վերադարձման ենթակա չեն:
Մրցույթի մանրամասների համար զանգահարել՝ 011-514-251 հեռախոսահամարով, աշխատանքային օրերին՝ ժամը 10:00-18:00:
Բաժանորդագրվեք մեր ալիքին Telegram-ում