Ճապոնիայում ինքնավերականգնվող ապակի են ստեղծել
ԵՐԵՎԱՆ, 15 ԴԵԿՏԵՄԲԵՐԻ, ԱՐՄԵՆՊՐԵՍ: Տոկիոյի համալսարանից մի խումբ ճապոնացի մասնագետներ ստեղծել են ապակի, որը, եթե այն կոտրեն, կարող Է կարճ ժամանակամիջոցում վերականգնել իր կառուցվածքը: Այդ մասին դեկտեմբերի 15-ին հայտնել Է NHK հեռուստաալիքը, տեղեկացնում Է «Արմենպրես»-ը:
Հիմնական նյութերը, որոնք գիտնականներն օգտագործել են իրենց մշակման մեջ, դարձել են սինթետիկ պոլիմերները (պոլիմիզանյութերը): Փորձարկման ընթացքում դրանցից ստացված ոչ մեծ կարծր ապակին բաժանել են երկու կեսի, իսկ հետո միացրել սովորական սենյակային ջերմաստիճանի պայմաններում՝ առանց որեւիցե այլ սուբստանցիաների:
Ընդամենը մի քանի րոպեն բավական Է եղել, որ երկու մասերն իրար միանան, սակայն կառուցվածքի ամբողջական վերականգնման համար պահանջվում Է մեկից մինչեւ վեց ժամ: Դրանից հետո ապակին կրկին ամրանում Է եւ կարող Է դիմանալ ծանրությունների, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում