Օկինավայում առնվազն մեկ երեխա Է տուժել ամերիկյան ուղղաթիռի հետ կապված միջադեպի հետեւանքով
ԵՐԵՎԱՆ, 13 ԴԵԿՏԵՄԲԵՐԻ, ԱՐՄԵՆՊՐԵՍ: Ճապոնիայի Օկինավայի պրեֆեկտուրայում առնվազն մի երեխա թեթեւ վնասվածքներ Է ստացել թռիչքի ժամանակ ամերիկյան ռազմական ուղղաթիռից ընկած լուսամուտի պատճառով: Այդ մասին, ինչպես տեղեկացնում Է «Արմենպրես»-ը, հայտնել են տեղական զանգվածային լրատվամիջոցները:
Լուսամուտն ընկել Է դպրոցի մարզական հրապարակում, որտեղ գտնվում Էր շուրջ 50 երեխա, նշվում Է հաղորդագրություններում:
ԱՄՆ-ի ռազմաօդային ուժերի CH-53E փոխադրական ուղղաթիռը մեկնել Էր պրեֆեկտուրայի Հենոկո կղզում գտնվող ամերիկյան ռազմակայանից:
Ռազմակայանի ղեկավարությունը ներողություն Է խնդրել «այդ ափսոսանք առաջացնող միջադեպի» համար, եւ հայտարարել, որ հետաքննություն կկատարվի:
Ճապոնիայի պաշտպանության նախարարությունն ԱՄՆ-ի զինվորական հրամանատարությունից պահանջել Է արգելել CH-53 ռազմափոխադրական ուղղաթիռների թռիչքները՝ մինչեւ միջադեպի հանգամանքները պարզելը, հաղորդել Է «Ինտերֆաքս»-ը:
Բաժանորդագրվեք մեր ալիքին Telegram-ում