ԳԱՎԱՌ, 11 ԴԵԿՏԵՄԲԵՐԻ, ԱՐՄԵՆՊՐԵՍ: Սեւան քաղաքում այս տարի իրականացվել են գիշերային լուսավորվածության ցանցի ընդարձակման աշխատանքներ, ինչի շնորհիվ գիշերային ժամերին լուսավորվել են նաև երկրորդական նշանակության թաղամասեր ու փողոցներ:
Ինչպես «Արմենպրես»-ին տեղեկացրին Սեւանի քաղաքապետարանի աշխատակազմից, այս տարվա ընթացքում տեղական բյուջեի միջոցների հաշվին շուրջ 4,5 կմ երկարությամբ գիշերային լուսավորվածության ցանց է կառուցվել քաղաքի Հրազդան, Գեղամա, Էներգետիկներ, Սպանդարյան, Իսահակյան, Սայաթ-Նովա, Գոմաձոր թաղամասի Պարույր Սեւակ փողոցներում, Գագարին գյուղում եւ 3 բակային հատվածներում: Կարգի են բերվել լուսավորության ցանցի 106 հենասյուն, տեղադրվել են նոր լուսատուներ:Գիշերային լուսավորության ցանց է գործարկվել է ոչ միայն կենտրոնական, այլ նաեւ տասնյակ տարիներ լուսավորություն չունեցող երկրորդային փողոցներում:

Խոսրով Խլղաթյան