ԵՐԵՎԱՆ, 4 ԴԵԿՏԵՄԲԵՐԻ, ԱՐՄԵՆՊՐԵՍ: 2017 թվականի հունվարից մինչեւ հոկտեմբեր Թուրքիա Է ժամանել Վրաստանի 2,1 մլն քաղաքացի: Այդ մասին ասված Է Թուրքիայի մշակույթի եւ զբոսաշրջության նախարարության կայքում, տեղեկացնում Է «Արմենպրես»-ը՝ հղում անելով Sputnik-ին:

Վրաստանը չորրորդ տեղն Է զբաղեցրել 2017 թվականի տասն ամսում Թուրքիա այցելողների թվով առաջատար երկրների հնգյակում: Մինչդեռ, 2016 թվականի համապատասխան ժամանակաշրջանում Թուրքիա Էր ժամանել ավելի քան 1,7 մլն Վրաստանի քաղաքացի:

Միայն 2017 թվականի հոկտեմբերին Թուրքիա Է այցելել Վրաստանի 212,8 հազար քաղաքացի:

Վարկանիշի առաջին հորիզոնականն զբաղեցրել Է Ռուսաստանը. այդ ժամանակաշրջանում Թուրքիայում եղել Է 4,6 մլն ռուսաստանցի, նրան հաջորդում են Գերմանիան՝ 3,3 միլիոն եւ Իրանը՝ 2,1 մլն ցուցանիշով: Հնգյակը եզրափակում Է Մեծ Բրիտանիան՝ 1,6 մլն մարդ:

Ընդամենն այս տարվա տասն ամսվա ընթացքում Թուրքիա են այցելել գրեթե 30 մլն օտարերկրյա քաղաքացիներ, անցյալ տարվա համապատասխան ժամանակաշրջանի ցուցանիշը կազմել Է 24 մլն մարդ: