Հնդիկ զինվորները համաշխարհային ռեկորդ են սահմանել մեկ մոտոցիկլետով ընթացող մարդկանց թվով
ԵՐԵՎԱՆ, 23 ՆՈՅԵՄԲԵՐԻ, ԱՐՄԵՆՊՐԵՍ: Հնդկաստանի Բանգալոր քաղաքի արվարձանում զինվորական մոտոցիկլիստների «Թոռնադո» թիմը գերազանցել Է համաշխարհային ռեկորդը մեկ մոտոցիկլետով ընթացող մարդկանց թվաքանակով:
Այս մասին, ինչպես տեղեկացնում Է «Արմենպրես»-ը, հայտնել Է India Today հրատարակությունը: Նրանք օգտագործել են Royal Enfield մակնիշի մոտոցիկլետը, որն աննշան ձեւափոխման Է ենթարկվել: Մեկը նստել Է ղեկի առջեւ, մյուսը կանգնել Է հետեւից, իսկ մնացած 56-ը մագլցել են կողերից ավելացված շերտաձողերին: 58 հոգին մոտոցիկլետով ընթացել են 1200 մետր: Նվաճումը գրանցվել Է Գինեսի ռեկորդների գրքում: Նախկին ռեկորդը նույնպես պատկանում Էր հնդիկներին, բայց այն սահմանել Էր մի այլ թիմ. 2010 թվականին մոտոցիկլետի վրա Էին մագլցել Հնդկաստանի կապի զորքերի 56 զինվոր եւ սպա:
Բաժանորդագրվեք մեր ալիքին Telegram-ում