Հետախուզվողը բերման է ենթարկվել ծառերի, թփերի և բուսածածկի ապօրինի հատման մեղադրանքով
11:08, 20 Նոյեմբեր 2017
ԵՐԵՎԱՆ, 20 ՆՈՅԵՄԲԵՐԻ, ԱՐՄԵՆՊՐԵՍ: Ոստիկանության Թումանյանի բաժնի ծառայողների ձեռնարկած օպերատիվ-հետախուզական միջոցառումների շնորհիվ` Մոսկվա-Երևան չվերթի ինքնաթիռի ժամանումից հետո «Զվարթնոց» օդանավակայանում հայտնաբերվել և Թումանյանի բաժին բերման է ենթարկվել 1989 թվականին ծնված Լևոն Զ.-ն: Ինչպես «Արմենպրես»-ին տեղեկացրին ՀՀ ոստիկանության հասարակայնության հետ կապի և լրատվության վարչությունից, 28-ամյա երիտասարդը հոկտեմբերի 20-ից հետախուզվում էր ՀՀ քրեական օրենսգրքի 296 հոդվածի (ծառերի, թփերի և բուսածածկի ապօրինի հատումը) 2-րդ մասի 3-րդ կետի մեղադրանքով:
Բաժանորդագրվեք մեր ալիքին Telegram-ում