Հրշեջները մարել են Նորակերտում բռնկված հրդեհը. այրվել են տան երկու ննջասենյակները և նախասրահը
20:50, 14 Նոյեմբեր 2017
ԵՐԵՎԱՆ, 14 ՆՈՅԵՄԲԵՐԻ, ԱՐՄԵՆՊՐԵՍ: ՀՀ արտակարգ իրավիճակների նախարարությունը նոյեմբերի 14-ին, ժամը 13:57-ին ահազանգ է ստացել, որ հրդեհ է բռնկվել Արմավիրի մարզի Նորակերտ գյուղի տներից մեկում. անհրաժեշտ է փրկարարների օգնությունը:
Դեպքի վայր է մեկնել երկու մարտական հաշվարկ:
Ինչպես «Արմենպրես»-ը տեղեկացավ ՀՀ արտակարգ իրավիճակների նախարարության պաշտոնական կայքից, պարզվել է, որ հրդեհը բռնկվել է Նորակերտ գյուղի Բաղրամյան փողոցի տներից մեկի առաջին հարկում:
Հրդեհը մեկուսացվել է ժամը 14:45-ին, մարվել՝ 15:25-ին:
Ամբողջությամբ այրվել են տան երկու ննջասենյակները և նախասրահը՝ գույքով (մոտ 85 քմ):
Բաժանորդագրվեք մեր ալիքին Telegram-ում