Մուհամեդ անունը տեղ Է գտել Վիեննայում ամենատարածված մանկական անունների հնգյակում. Kronen Zeitung
ԵՐԵՎԱՆ, 13 ՆՈՅԵՄԲԵՐԻ, ԱՐՄԵՆՊՐԵՍ: Արական սեռի Մուհամեդ եւ Մոհամադ մուսուլմանական անունը նորածինների ամենատարածված անուններից մեկն Է դարձել Ավստրիայի մայրաքաղաքում:
Վիճակագրությունը ցույց Է տալիս, որ վերջին հինգ տարվա ընթացքում այն տեղ Է գտել ոչ միայն տղաների ամենատարածված անունների տասնյակում, այլեւ վստահորեն շարժվում Է դեպի այդ ցուցակի առաջին հորիզոնական: Այդ մասին, ինչպես տեղեկացնում Է «Արմենպրես»-ը, հայտնել Է Kronen Zeitung ավստրիական թերթը:
Վիեննայի վարչակազմն ամեն տարի կանոնավոր կերպով կազմում Է տեղական ծննդատներում ծնված աղջիկների եւ տղաների համար սիրված անունների ցանկը: Քաղաքապետարանի պաշտոնական Էջում զետեղված այս ցուցակում թվարկվում են բացառապես ավանդական եվրոպական անուններ: Սակայն կան նաեւ փակ տեղեկություններ, որոնք նախատեսված են սոսկ ներքին օգտագործման համար: Այս տվյալների համաձայն, Մուհամեդ անունը հինգ տարի շարունակ վստահորեն գտնվում Է Վիեննայում տարածված անունների տասնյակում եւ 2016 թվականին նույնիսկ բարձրացել Է հինգերորդ հորիզոնական:
Հրատարակությունը նշում Է, որ, 2017 թվականի արդյունքներով, այս անունը Էլ ավելի մեծ տարածում կգտնի: Ըստ նրա՝ պատճառը Մերձավոր Արեւելքից եւ Աֆրիկայից ժամանողների անվերահսկելի միգրացիան Է, որոնք փախստականի կարգավիճակ եւ սոցիալական նպաստ ստանալով Ավստրիայում, վերջին երկու տարվա ընթացքում համատարած սկսել են շատ երեխաներ ունենալ, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում