Ժամանակը Երևանում՝ 11:07:36,   26 Հունիս 2022

Իգնատի Առաքելյանը վստահեցնում է, որ գյուղնախարարությունը չի համագործակցում «Մոնսանտո»-ի հետ

Իգնատի Առաքելյանը վստահեցնում է, որ գյուղնախարարությունը չի համագործակցում 
«Մոնսանտո»-ի հետ

ԵՐԵՎԱՆ, 9 ՆՈՅԵՄԲԵՐԻ, ԱՐՄԵՆՊՐԵՍ: ՀՀ գյուղատնտեսության նախարարությունն ուսումնասիրում է, թե առ այսօր ինչ գործունեություն է ծավալել ամերիկյան «Մոնսանտո» ընկերությունը մեր երկրում: Կառավարության նիստից հետո լրագրողների հետ զրույցում այդ մասին ասաց ՀՀ գյուղատնտեսության նախարար Իգնատի Առաքելյանը: «Բնապահպանության նախարարության հետ ուսումնասիրում ենք դաշտը, որ հասկանանք, թե ինչ ռիսկեր կան կատարված աշխատանքներից: Կուսումնասիրենք՝ ինչ են անում, որքանով է ԳՄՕ սերմերը տարածված, ինչ են ներմուծում, նոր կնշենք, թե ինչ քայլեր ենք ձեռնարկելու», - «Արմենպրես»-ի փոխանցմամբ, ասաց նախարարը՝ ավելացնելով նաև, որ իր գլխավորած գերատեսչությունը չի համագործակցում նշված ընկերության հետ:

Անդրադառնալով ԳՄՕ սերմերի մուտքը Հայաստան արգելելու մասին օրենսդրական նախաձեռնությանը՝ Իգնատի Առաքելյանն ասաց, որ 2013 թվականին Բնապահպանության նախարարության կողմից եղել է նման նախաձեռնություն, հետո կասեցվել է այն: Այժմ, ըստ Առաքելյանի, վեր է հանվելու այդ օրենսդրական նախաձեռնությունը՝ քննարկելու դրա արդիականության հարցը:








youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]