ԵՐԵՎԱՆ, 23 ՀՈԿՏԵՄԲԵՐԻ, ԱՐՄԵՆՊՐԵՍ: Լոնդոմ կայացավ ՖԻՖԱ-ի ամենամյա Գալա մրցանակաբաշխությունը՝ «The Best»-ը:

«Արմենպրես»-ի հաղորդմամբ՝ երկրապագուների քվեարկության արդյունքով «Պուշկաշ»-ի անվան մրցանակին արժանացավ «Արսենալ»-ի ֆուտբոլիստ Օլիվյե Ժիրուն:

Այնուհետ տարվա լավագույն մարզչի կոչման երեք հավակնորդներից լավագույնը ճանաչվեց Մադրիդի «Ռեալ»-ի գլխավոր մարզիչ Զինեզին Զիդանը:

2017 թվականի լավագույն դարպասապահ ճանաչվեց Թուրինի «Յուվենտուս»-ի դարպասապահ Ջանլուիջի Բուֆֆոնը:

ՖԻՖԱ-ի տարվա լավագույն երկրպագուններ ճանաչվեցին «Սելթիկ»-ի երկրպագուները:

Կանանց ֆուտբոլի լավագույն մարզիչը Նիդեռլանդների հավաքականի գլխավոր մարզիչ Սարիան Վիգմանը:

«Արդար խաղի» մրցանակին արժանացավ Ֆրանսիս Կոնեն՝ նա խաղադաշտում փրկել է թիմակցի կյանքը:

Տարվա խորհրդանշական հավաքականի կազմում ընդգրկվեցին՝ Ջանլուիջի Բուֆֆոն, Դանի Ալվես, Մարսելո, Սերխիո Ռամոս, Բոնուչի, Լուկա Մոդրիչ, Թոնի Կրոս, Անդրես Ինիեստա, Լեոնել Մեսսի, Նեյմար, Ռոնալդու:

Տարվա լավագույն ֆուտբոլիստուհի դարձավ Նիդեռլանդների ազգային թիմի ֆուտբոլիստ Լիկե Մարտենսը ,իսկ լավագույն ֆուտբոլիստ՝ Մադրիդի «Ռեալ»-ի հարձակվող Կրիշտիանու Ռոնալդուն: