Սլովենիայի նախագահը կորոշվի ընտրությունների երկրորդ փուլում
ԵՐԵՎԱՆ, 23 ՀՈԿՏԵՄԲԵՐԻ, ԱՐՄԵՆՊՐԵՍ: Սլովենիայի նախագահը կորոշվի ընտրությունների երկրորդ փուլի արդյունքում, որը կկայանա նոյեմբերի 12-ին: Այդ մասին, ինչպես տեղեկացնում Է «Արմենպրես»-ը, վկայում են երկրի Պետական ընտրական հանձնաժողովի տվյալները:
Հոկտեմբերի 22-ին կայացած առաջին փուլի արդյունքներով՝ թեկնածուներից ոչ մեկը չի հաղթահարել 50 տոկոսի արգելքը: Քվեաթերթիկների 99,9 տոկոսի տվյալների ամփոփումից հետո Սլովենիայի գործող նախագահ Բորուտ Պախորը, որն առաջադրվել Էր որպես անկախ թեկնածու, ստացել Է ձայների 47,07 տոկոսը:
Նրա մերձավոր հետապնդողը՝ կատակերգական ժանրի նախկին դերասան եւ Կամնիկ մարզային քաղաքի քաղաքագլուխ Մարյան Շարեցը հավաքել Է ձայների 24,97 տոկոսը: Նախնական տվյալներով՝ ընտրություններին մասնակցությունը կազմել Է ռեկորդային ցածր 43,57 տոկոս:
Այժմ Պախորն ու Շարեցը կհանդիպեն երկրորդ փուլում: Քվեարկության արդյունքների հայտարարումից հետո նախագահը հայտարարել Է, որ «շատ հուսադրող» Է համարում արդյունքը՝ հաշվի առնելով ոչ մեծ վստահությունը քաղաքական գործիչների նկատմամբ: Նրա ընդդիմախոսը նշել Է, որ գերազանց Է համարում իր արդյունքը, որն ստեղծվել Է զրոյից եւ առանց հին քաղաքական ընտրախավերի աջակցության, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում