Լոնդոնի մետրոյի ահաբեկչության կապակցությամբ 18-ամյա երիտասարդ է ձերբակալվել
14:33, 16 Սեպտեմբեր 2017
ԵՐԵՎԱՆ, 16 ՍԵՊՏԵՄԲԵՐԻ, ԱՐՄԵՆՊՐԵՍ: Լոնդոնի մետրոյի ահաբեկչության կապակցությամբ Դովերում 18-ամյա երիտասարդ է ձերբակալվել: Ինչպես հաղորդում Է «Արմենպրես»-ը, այս մասին հայտնում է Sky News-ը:
«Ձերբակալությունը կարելի է բնութագրել որպես նշանակալի, և մենք գոհ ենք գրանցված առաջընթացից, սակայն հետաքննությունը դեռևս շարունակվում է ,և սպառնալիքը մնում է բարձ աստիճանի վրա», - հայտարարել է մետրոպոլիտենի ոստիկանության փոխտնօրենի օգնական Նեյլ Բասուն:
Ձերբակալված երիտասարդը հարցաքննության համար կտեղափոխվի Լոնդոն:
Նախօրեին պայթյուն էր որոտացել Լոնդոնի մետրոյի «Պերսոնս-գրին» կայանում, տուժել է 29 մարդ:
Բաժանորդագրվեք մեր ալիքին Telegram-ում