Ազգային օդերեւութաբանական ծառայությունը (NWS) հաղորդել Է, որ «Հարվի» արեւադարձային փոթորիկն օգոստոսի 27-ին աղետալի հեղեղումների Է հանգեցրել ԱՄՆ-ի Տեխասի նահանգի խոշորագույն քաղաքներից մեկում՝ Հյուսթոնում: Նրանց տվյալներով՝ Հյուսթոնի որոշ շրջաններում տեղումները կազմում են ավելի քան 76 սանտիմետր, եւ մոտ ժամանակներս այդ թիվը կմեծանա:

«Հարվին» դարձել Է ԱՄՆ-ի տարածքում ամենահզոր փոթորիկը վերջին 12 տարվա ընթացքում՝ այն ժամանակից ի վեր, երբ 2005 թվականին երկրում մոլեգնեց «Կատրինա» փոթորիկը, որը Լուիզիանայում հանգեցրեց Նոր Օռլեան քաղաքի հեղեղման:

Էբոթի խոսքով՝ այս պահին Տեխասում առաջացել Է «անձրեւների եռանկյունի», որն իր ուժը կդրսեւորի, մասնավորապես, այնպիսի քաղաքներում, ինչպիսք են Հյուսթոնը, Քորպուս Քրիստին եւ Վիկտորիան: Նա նշել Է, որ «Տեխասն այսօր գիշեր պետք Է պատրաստ լինի Էլ ավելի մեծ քանակությամբ տեղումների»: Էբոթը Տեխասում տեղացող անձրեւները որակել Է «պատմական», եթե «ոչ ռեկորդային ամբողջ ժամանակի ընթացքում»:

Նահանգին օգնության են հասել ազգային գվարդիայի 3 հազար անդամներ: Տարահանված շատ մարդկանց ներկայում տեղավորում են ժամանակավոր ապաստարաններում: Նահանգում փակ են հարյուրավոր ավտոմայրուղիներ: New York Times թերթը հայտնել Է հինգ զոհվածների մասին: Wall Street Journal թերթը հայտնել Է, որ երեք խոշոր ընկերություններ դադարեցրել են նավթավերամշակման գործարանների աշխատանքը, որոնք Տեխասում գտնվում են Հյուսթոն քաղաքի շրջակայքում, հաղորդել Է ՌԻԱ Նովոստին: