Հրշեջ-փրկարարները մարել են Ձորափի փողոցի բարձրավոլտ ենթակայանի հրդեհը
19:48, 23 Օգոստոս 2017
ԵՐԵՎԱՆ, 23 ՕԳՈՍՏՈՍԻ, ԱՐՄԵՆՊՐԵՍ: Հրշեջ-փրկարարները մարել են Երևանի Ձորափի փողոցի բարձրավոլտ ենթակայանում բռնկված հրդեհը։ Այս մասին «Արմենպրես»-ը տեղեկացավ ՀՀ արտակարգ իրավիճակների նախարարության պաշտոնական կայքից, որի հաղորդագրության մեջ նշված է. «Օգոստոսի 23-ին, ժամը 15:17-ին ահազանգ է ստացվել, որ հրդեհ է բռնկվել Երևան քաղաքի Ձորափի 26 հասցեում:
Դեպքի վայր է մեկնել չորս մարտական հաշվարկ. հայտարարվել է հրդեհի բարդության «ԲԻՍ-1» աստիճան:
Պարզվել է, որ հրդեհը բռնկվել է «Վեոլիա Ջուր» ՓԲԸ-ին պատականող երկհարականի բարձրավոլտ ենթակայանում և շինության 2-րդ հարկի տանիքում ( մոտ 250 քմ):
Հրդեհը մեկուսացվել է ժամը 16:19-ին, մարվել՝ 16:58-ին: Ենթակայանում այրվել են 1 տրանսֆորմատոր և տանիքի փայտյա կառուցատարրերը՝ 150 քմ:
Բաժանորդագրվեք մեր ալիքին Telegram-ում