Հալեպում շուրջ 50 գրոհային զենքերը վայր է դրել
20:36, 22 Օգոստոս 2017
ԵՐԵՎԱՆ, 22 ՕԳՈՍՏՈՍԻ, ԱՐՄԵՆՊՐԵՍ: Հալեպի շրջանում անօրինական ավազակային խմբավորման 47 գրոհայինից բաղկացած խումբը զենքերը վայր է դրել, որպեսզի օգտվի համաներումից: «Արմենպրես»-ի փոխանցմամբ, այդ մասին «Ռիա-նովոստի»-ին տեղեկացրել է իրավիճակին ծանոթ աղբյուրը:
«47 գրոհային զենքերը վայր է դրել: Նրանք տարվել են Սիրիայի կառավարական ուժերի վերահսկողության ներքո գտնվող տարածք: Այժմ Հալեպի անվտանգության կոմիտեում դիտարկվում է նրանց համաներման հարցը»,- ասել է գործակալության աղբյուրը:
Նրա խոսքով, ռուսական ռազմական ոստիկանությունն ապահովել է գրոհայինների անվտանգ դուրսբերումը:
Բաժանորդագրվեք մեր ալիքին Telegram-ում