«Կուբինկա» օդանավակայանում, Ալաբինո զորավարժարանում, ռազմական օկրուգներում եւ Հյուսիսային նավատորմում համաժողովի շրջանակներում տեղի կունենան սպառազինության, ռազմական եւ հատուկ տեխնիկայի ընդգրկուն դինամիկ ցուցադրանքներ: Գիտագործնական ծրագիրը կանցկացվի լիագումար նիստերի, խորհրդաժողովների, կլոր սեղանների եւ ճեպազրույցների ձեւաչափով: Ռուսաստանի Ռազմատեխնիկական համագործակցության դաշնային ծառայության տվյալներով՝ այս տարի համաժողովի մասնակիցների ընդհանուր թիվը կկազմի ավելի քան հազար ռուսական եւ 75-ից ավելի արտասահմանյան ընկերություններ: Ընդամենը կներկայացվեն ռազմական նշանակության արտադրանքի գրեթե 2,5 հազար նմուշներ:

Ռուսաստանի Ռազմատեխնիկական համագործակցության դաշնային ծառայությունը Հայաստանի, Բելառուսի, Ղազախստանի, Չինաստանի, Սլովակիայի, Թուրքիայի եւ Հարավաֆրիկյան Հանրապետության ընկերությունների տվել Է ռազմական նշանակության արտադրանքի՝ Ռուսաստան ժամանակավոր ներկրման 10 թույլատրագիր, ընկերություններ, որոնք կցուցադրեն շուրջ 400 ցուցանմուշներ: Ինչպես արդեն տեղեկացվել Է ՀՀ պաշտպանության նախարար Վիգեն Սարգսյանի գլխավորած պատվիրակությունը մեկնել Է Ռուսաստանի Դաշնություն: Այցի շրջանակներում նախատեսվում Է, մասնավորապես, նրա մասնակցությունը «Բանակ- 2017» միջազգային ռազմատեխնիկական համաժողովի եւ ցուցահանդեսի բացման հանդիսավոր արարողությանը: