Ֆինլանդիայի ոստիկանությունն ուժեղացրել է անվտանգության միջոցառումները Հելսինկիի օդանավակայանում և կայարաններում
19:19, 18 Օգոստոս 2017
ԵՐԵՎԱՆ, 18 ՕԳՈՍՏՈՍԻ, ԱՐՄԵՆՊՐԵՍ: Ֆինլանդիայի ոստիկանությունն ուժեղացրել է անվտանգության միջոցառումները մայրաքաղաք Հելսինկիի օդանավակայանում և կայարաններում Տուրկու քաղաքում տեղի ունեցած հարձակումից հետո: Ինչպես հաղորդում է «Արմենպրես»-ը, այս մասին հայտնում է «Ռիա նովոստի»-ն:
Ավելի վաղ հաղորդվել է, որ անհայտ անձը Տուրկու քաղաքում դանակով հարձակվել է անցորդների վրա, ինչի հետևանքով մի քանի մարդ վիրավորվել է: Ոստիկանությունը կրակ է բացել հանցագործի վրա, մեկ մարդ ձերբակալված է:
Ֆինլանդիայի անվտանգության ոստիկանությունն ավելի վաղ հայտարարել էր երկրում ահաբեկչության վտանգի մասին՝ կապված ահաբեկչության պատրաստման մասին տեղեկատվության հետ:
Բաժանորդագրվեք մեր ալիքին Telegram-ում