ԱՀ Նախագահը ՀՊՄՀ-ի ռեկտորի հետ քննարկել է Արցախում մանկավարժական կադրերի պատրաստման հարցեր
20:41, 20 Հունիս 2017
ՍՏԵՓԱՆԱԿԵՐՏ, 20 ՀՈՒՆԻՍԻ, ԱՐՄԵՆՊՐԵՍ: Արցախի Հանրապետության Նախագահ Բակո Սահակյանը հունիսի 20-ին ընդունել է Խաչատուր Աբովյանի անվան հայկական պետական մանկավարժական համալսարանի պատվիրակությանը՝ բուհի ռեկտոր Ռուբեն Միրզախանյանի գլխավորությամբ:
Ինչպես «Արմենպրես»-ին տեղեկացրին Արցախի Հանրապետության Նախագահի աշխատակազմի տեղեկատվության գլխավոր վարչությունից, քննարկվել են Արցախում մանկավարժական կադրերի պատրաստման եւ Հայկական պետական մանկավարժական համալսարանի ու Արցախի պետական համալսարանի փոխգործակցությանն առնչվող մի շարք հարցեր:
Բաժանորդագրվեք մեր ալիքին Telegram-ում