Skype-ի աշխատանքում գլոբալ խափանում Է տեղի ունեցել
14:22, 20 Հունիս 2017
ԵՐԵՎԱՆ, 20 ՀՈՒՆԻՍԻ, ԱՐՄԵՆՊՐԵՍ: Skype-ի օգտատերերն ամբողջ աշխարհում երկրորդ օրն անընդմեջ խնդիրների են բախվում հաղորդագրություններ ընդունելիս եւ ուղարկելիս, տեղեկացնում Է «Արմենպրես»-ը:
Ընկերությունում հաստատել են, որ գիտեն խափանման մասին եւ աշխատում են վերացնել այն: Ընդ որում՝ Skype-ում չեն բացատրել՝ ինչով են պայմանավորված ստեղծված խնդիրները եւ որքան ժամանակ կպահանջվի դրանց վերացման համար:
Հունիսի 19-ին Skype-ի օգտատերերն սկսել են գանգատվել ավտորիզացիայի հետ կապված դժվարություններից, հաղորդագրությունների ընդունման եւ ուղարկման անհնարինությունից, ինչպես նաեւ ձայնային զանգերի աշխատանքում տեղ գտած խափանումներից:
DownDetector կայքի տվյալներով, որը գրանցում Է օգտատերերի գանգատները, Skype-ի աշխատանքում ծագած խնդիրները պահպանվում են մինչ այժմ: Դրանց մասին հայտարարել են եվրոպական պետությունների, ԱՄՆ-ի, Ռուսաստանի, Ղազախստանի, Ուկրաինայի եւ այլ երկրների բնակիչներ, հաղորդել Է «Ինտերֆաքս»-ը:
Բաժանորդագրվեք մեր ալիքին Telegram-ում