Արոնյանի հաջորդ մրցակիցը Կարյակինն է
10:34, 14 Հունիս 2017
ԵՐԵՎԱՆ, 14 ՀՈՒՆԻՍԻ, ԱՐՄԵՆՊՐԵՍ: Շախմատի Հայաստանի հավաքականի առաջատար Լևոն Արոնյանի հաջորդ մրցակիցը Սերգեյ Կարյակինն է:
«Արմենպրես»-ի հաղորդմամբ` նորվեգական Ստավանգեր քաղաքում մեկօրյա հանգստից հետո շարունակվում է Norway chess միջազգային մրցաշարը: Արոնյանի մրցակիցը 7-րդ տուրում ռուս շախմատիստ Սերգեյ Կարյակինն է: Մյուս զույգերն են. Կրամնիկ-Կարլսեն, Լագրավ-Գիրի, Սո-Կարուանա, Անանդ-Նակամուրա:
6 տուրից հետո Լևոն Արոնյանը և Հիկարու Նակամուրան կիսում են 1-2 տեղերը: Նրանք ունեն 4-ական միավոր:
Բաժանորդագրվեք մեր ալիքին Telegram-ում