ԵՐԵՎԱՆ, 29 ՄԱՅԻՍԻ, ԱՐՄԵՆՊՐԵՍ: Biotherm կոսմետիկական առեւտրանիշը թողարկել Է Blue Therapy Multi-Defender SPF 25 քսուքը, որը պարունակում Է կարմիր ջրիմուռների եւ թերմալ պլանկտոնի լուծամզուքներ: Այս մասին, ինչպես տեղեկացնում Է «Արմենպրես»-ը, հաղորդվում Է բրենդի մայիսի 29-ի մամուլի տեղակագրում:

Նորույթը ուլտրամանուշակագույն ճառագայթներից եւ շրջակա միջավայրի բացասական ներգործությունից պաշտպանում Է ընկերության մշակած Broad Outdoor Defense Complex լայն գործողության համալիրի միջոցով՝ դրանով իսկ դանդաղեցնելով մաշկի ծերացման գործընթացը, մեծացնելով դրա առաձգականությունը, նվազեցնելով պիգմենտային բծերը եւ հարթելով կնճիռները:

Furcellaria Lumbricalis կարմիր ջրիմուռների լուծամզուքը նվազեցնում Է բորբոքումը եւ կանխում մաշկի ջրազրկումը: Biotherm առեւտրանիշը 1952 թվականին գրանցել Է Ժանին Մարիսալը Ֆրանսիայում: Ներկայում Biotherm-ը մտնում Է L’Oreal կորպորացիայի կազմի մեջ: