398.94
Դոնալդ Թրամփն ու նրա տիկին Մելանյան Երուսաղեմում ունկնդրել են հայկական երգչախմբի կատարումը
1 րոպեի ընթերցում
ԵՐԵՎԱՆ, 22 ՄԱՅԻՍԻ, ԱՐՄԵՆՊՐԵՍ: Միացյալ Նահանգների նախագահ Դոնալդ Թրամփը և նրա տիկին Մելանյա Թրամփը Սուրբ Հարության տաճարում ունկնդրել են Երուսաղեմի հայոց պատրիարքության Ժառանգավորաց վարժարանի երգչախմբի կատարումը: Ինչպես հաղորդում է «Արմենպրես»-ը, այս մասին հայտնել է Երուսաղեմի Հայոց պատրիարքության դիվանապետ Կորյուն վարդապետ Բաղդասարյանը:
Երուսաղեմի Հայոց Պատրիարք Նուրհան արքեպիսկոպոս Մանուկյանը մայիսի 22-ին Բեն Գուրիոն օդանավակայանում մասնակցել է Միացյալ Նահանգների նախագահ Դոնալդ Թրամփի դիմավորման արարողությանը:
Տաճարի բակում Դոնալդ Թրամփին և նրա տիկնոջը դիմավորել են Հունաց պատրիարքը և Տեր Սևան Արաքեպիսկոպոս Ղարիբյանը: Հայկական բաժին այցելության ընթացքում Դոնալդ Թրամփը և ԱՄՆ առաջին տիկինը ծանոթացել են Հայ Եկեղեցու և Հայ ժողովրդի պատմությանը:
Բաժանորդագրվեք մեր ալիքին Telegram-ում