Ժամանակը Երևանում՝ 11:07:36,   17 Հոկտեմբեր

Էրդողանը հայտարարել է Թրամփի հետ հանդիպելու ժամկետի մասին


ԵՐԵՎԱՆ, 21 ԱՊՐԻԼԻ, ԱՐՄԵՆՊՐԵՍ: Թուրքիայի նախագահ Ռեջեփ Թայիփ Էրդողանը հայտարարել է Միացյալ Նահանգների նախագահ Դոնալդ Թրամփի հետ հանդիպելու ժամկետների մասին: Ինչպես հաղորդում է «Արմենպրես»-ը, A News հեռուստաընկերությանը տված հարցազրույցում Էրդողանը հայտնել է, որ ամենայն հավանականությամբ Թրամփի հետ հանդիպումը կկայանա մայիսի 16-17-ն ընկած ժամանակահատվածում:

«Մայիսի 15-16-ը գնալու եմ Չինաստան: Այնտեղից մեկնելու եմ ուղիղ ԱՄՆ: Ամենայն հավանականությամբ Թրամփի հետ հանդիպումը կկայանա մայիսի 16-17-ը»,- ասել է Թուրքիայի նախագահը:

Նա նաև հույս է հայտնել, որ ԱՄՆ-ում բնակություն հաստատած չափավոր իսլամի քարոզիչ Ֆեթուլլահ Գյուլենի հարցում «Թրամփը կանի այն, ինչ Օբաման չի կարողացել անել»:

Պաշտոնական Անկարան 2016 թվականի հուլիսի 15-ի ռազմական հեղաշրջման ձախողված փորձի մեջ մեղադրում են չափավոր իսլամի քարոզիչ Ֆեթուլլահ Գյուլենին, ով 1999 թվականից բնակվում է Միացյալ Նահանգներում: Թուրքիան ԱՄՆ-ից պահանջում է իրենց արտահանձնել Գյուլենին:

Գյուլենը, սակայն, ի սկզբանե հերքել է մասնակցությունը կատարվածին: Նա կատարվածի կազմակերպիչ է հայտարարել Թուրքիայի նախագահ Ռեջեփ Թայիփ Էրդողանին, ով այդպիսով փորձել է ամրապնդել իշխանությունը:



Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 10 539818
Էլ-փոստ՝ [email protected]
Яндекс.Метрика
Էջի կարգավորումներ