Ավստրիան ևս կարգելի թուրք գործիչների ելույթներն իր տարածքում
12:59, 14 Մարտ 2017
ԵՐԵՎԱՆ, 14 ՄԱՐՏԻ, ԱՐՄԵՆՊՐԵՍ: Ավստրիան ևս մտադիր է արգելել թուրք քաղաքական գործիչներին սահմանադրական հանրաքվեի քարոզարշավի շրջանակում ելույթներ ունենալ իր տարածքում: Ինչպես հաղորդում է «Արմենպրես»-ը, այս մասին հայտնում է թուրքական «Հուրիեթ» պարբերականը:
Ավստրիայի վարչապետ Քրիստիան Քերնը հայտարարել է, որ եթե թուրք նախարարները ցանկանան քարոզարշավ իրականացնել իրենց երկրի տարածքում, ապա իրենք ջանքեր կգործադրեն դա կանխելու ուղղությամբ: «Հասարակության անվտանգության համար կաշխատեմ կանխել նման նախաձեռնությունը»,- հայտարարել է վարչապետը:
Ավելի վաղ նման որոշումներ էին ընդունել Գերմանիան, Շվեյցարիան, Նիդերլանդները, Դանիան:
Բաժանորդագրվեք մեր ալիքին Telegram-ում