Ադրբեջանում կրկին ընդդիմադիր ակտիվիստներ են ձերբակալվել
ԵՐԵՎԱՆ, 21 ՓԵՏՐՎԱՐԻ, ԱՐՄԵՆՊՐԵՍ: Ադրբեջանում ընդդիմադիր «Ադրբեջանի ազգային ճակատ» կուսակցության ևս երկու երիտասարդ ակտիվիստ ձերբակալվել են: Ինչպես հաղորդում է «Արմենպրես»-ը, այս մասին տեղեկացնում է ադրբեջանական Contact.az-ը:
Երիտասարդներն իրենց տներից տեղափոխվել են ոստիկանություն: Դատարանը նրանց 30 օրվա վարչական կալանքի է դատապարտել: «Երկու ակտիվիստներն էլ ձերբակալվել են Facebook-ում քննադատական հրապարակումների համար: «Ազգային ճակատ»-ի վրա հարձակումները շարունակվում են»,- ասել է «Ադրբեջանի ազգային ճակատ» կուսակցության փոխնախագահ Գյոզալ Բայրամլըն:
Փետրվարի 20-ին Բաքվում 30 օրվա կալանքի էր դատապարտվել «Ադրբեջանի ազգային ճակատ» կուսակցության ևս մեկ ակտիվիստ: Ընդհանուր առմամբ, ադրբեջանական բանտերում են կուսակցության ավելի քան 10 անդամներ:
Բաժանորդագրվեք մեր ալիքին Telegram-ում