Հունաստանը տեղի տվեց վարկատուների ճնշմանը
14:32, 21 Փետրվար 2017
ԵՐԵՎԱՆ, 21 ՓԵՏՐՎԱՐԻ, ԱՐՄԵՆՊՐԵՍ: Հունաստանը վարկատուների ճնշման ներքո գնաց զիջումների. կառավարությունը համաձայնեց իրականացնել մի շարք բարենորոգումներ, բայց դրանք, նախարարների կաբինետի հավաստիացմամբ, չեն ազդի բյուջեի հոդվածների վրա եւ չեն վերաբերի ասկետիզմի քաղաքականությանը, տեղեկացնում Է «Արմենպրես»-ը:
Կառավարությունը մշտապես բոլոր մակարդակներով հավաստիացրել Է, որ չի համաձայնի այն բարենորոգումներին, որոնք նախատեսված չեն օգնության երրորդ ծրագրով, եւ տեղի չի տա ԱՄՀ-ի եւ Գերմանիայի ճնշմանը, բայց բարենորոգումների երկրորդ ամփոփման ձգձգման պատճառով տնտեսության բնագավառում անվստահության աճի համեմատ կաբինետի դիրքորոշումն սկսել Է փոխվել:
Կառավարությունը գնացել Է սկզբունքային զիջումների. համաձայնել Է հաստատել 2018 թվականին օգնության երրորդ ծրագրի ավարտին հաջորդող շրջանի բարենորոգումները եւ աշխատանքի շուկայի բարենորոգումը:
Առանց բարենորոգումների ծրագրի դրական երկրորդ գնահատման, Աթենքը չի կարող ստանալ վարկեր, որոնք անհրաժեշտ են 326 միլիարդ եվրո պարտքի սպասարկման համար, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում