«Պուլկովո» օդանավակայանում հայտնաբերվել են Մեծ Հայրենականից պահպանված նռնակներ
16:35, 18 Փետրվար 2017
ԵՐԵՎԱՆ, 18 ՓԵՏՐՎԱՐԻ, ԱՐՄԵՆՊՐԵՍ: Սանկտ Պետերբուրգի «Պուլկովո» օդանավակայանում ծանրոցներից մեկում հայտնաբերվել են Հայրենական մեծ պատերազմի ժամանակների պայթուցիկ նյութեր: Ինչպես փոխանցում է «Արմենպրես»-ը, վկայակոչելով Interfax-ը, իրավապահներն ուսումնասիրել են ծանրոցը, արդյունքում պարզվել է, որ գերմանական М-24 և М-39 նռնակները գտնվել են ապաակտիվացված վիճակում:
«Նռնակների կորպուսները եղել են կոռոզիայի մեջ, պահպանելով օրիգինալությունը: Դրանք ամենայն հավանականությամբ պետք է վաճառվեին: Պայթուցիկ նյութեր չեն հայտնաբերվել: Օդանավակայանում տարհանում չի իրականացվել»,- նշված է տեղեկատվության մեջ:
Բաժանորդագրվեք մեր ալիքին Telegram-ում