Աֆրիկայից Հայաստանին են մոտենում տաք օդային հոսանքները
12:20, 18 Փետրվար 2017
ԵՐԵՎԱՆ, 18 ՓԵՏՐՎԱՐԻ, ԱՐՄԵՆՊՐԵՍ: ՀՀ ԱԻՆ «Հիդրոմետ» ծառայության օդերևութաբանության կենտրոնի պետ Գագիկ Սուրենյանը տեղեկացնում է, որ շատ շուտով կավետի գարնան գալուստը: «Ըստ նախնական կանխատեսումների՝ դեպի Հայաստան Աֆրիկայի շրջաններից արդեն տեղաշարժվում են տաք օդային հոսանքներ: Հիմա ճշտում ենք դրանց ներթափանցման օրը ու ջերմաստիճանի բարձրացման չափը, որի մասին լրացուցիչ կտեղեկացնենք»,-«Արմենպրես»-ի հաղորդմամբ տեղեկացնում է Սուրենյանը:
Անցած գիշեր հանրապետության տարածքում դիտվել է խիստ ցածր ջերմային ֆոն: Օդի միջին օրական ջերմաստիճանը կլիմայական նորմայից ցածր է եղել 10-15 աստիճանով: Առանձին հատվածներում օդի ջերմաստիճանը հասել է մինչեւ -30-ի:
Բաժանորդագրվեք մեր ալիքին Telegram-ում