ՄԱԿ-ի ԱԽ-ն դատապարտեց բալիստիկ հրթիռի արձակումը ԿԺԴՀ-ում
10:28, 14 Փետրվար 2017
ԵՐԵՎԱՆ, 14 ՓԵՏՐՎԱՐԻ, ԱՐՄԵՆՊՐԵՍ: ՄԱԿ-ի Անվտանգության խորհուրդը վճռականորեն դատապարտել Է Հյուսիսային Կորեայի կողմից բալիստիկ հրթիռի արձակումը եւ խոստացել Է «զգալի միջոցներ» ձեռնարկել, տեղեկացնում Է «Արմենպրես»-ը:
«ՄԱԿ-ի Անվտանգության խորհրդի անդամները վճռականորեն դատապարտեցին 2017 թվականի փետրվարի 11-ին եւ 2016 թվականի հոկտեմբերի 19-ին ԿԺԴՀ-ի կողմից բալիստիկ հրթիռների արձակումը: Այդ արձակումները ՄԱԿ-ի ԱԽ-ի բանաձեւերի շրջանակներում ԿԺԴՀ-ի միջազգային պարտավորությունների լուրջ խախտում են»,- ասված Է ԱԽ-ի՝ մամուլի համար արված հայտարարության մեջ:
«Անվտանգության խորհուրդը կշարունակի ուշադիր հետեւել իրադրությանը եւ հետագա զգալի միջոցներ կձեռնարկի Խորհրդի՝ ավելի վաղ արտահայտված մտադրություններին համապատասխան»,- ընդգծվում Է հայտարարության մեջ:
ԿԺԴՀ-ում հրթիռի փորձարկման կապակցությամբ փետրվարի 13-ին կայացել են Անվտանգության խորհրդի անդամների՝ ԱՄՆ-ի եւ Ճապոնիայի նախաձեռնությամբ շտապ կարգով հրավիրված փակ կոնսուլտացիաներ:
Ավելի վաղ ՄԱԿ-ի գլխավոր քարտուղար Անտոնիու Գուտերիշը դատապարտել Է Հյուսիսային Կորեայի կողմից բալիստիկ հրթիռի արձակումը եւ հորդորել այդ երկրին՝ վերադառնալ բանակցությունների սեղանի շուրջ, հաղորդել Է «Ինտերֆաքս» գործակալությունը:
Բաժանորդագրվեք մեր ալիքին Telegram-ում